طاہر شاہ نے اپنا نیا گانا ’’فرشتہ‘‘ریلیز کردیا

طاہر شاہ کو ’’اینجل‘‘ کا اردو ترجمہ کرنے میں 4 سال لگے، صارفین فوٹوفائل

---

ISLAMABAD: ''آئی ٹو آئی'' اور ''اینجل'' کے بعد گلوکار طاہر شاہ نے اپنا نیا گانا ''فرشتہ'' ریلیز کردیا۔

دنیا بھر میں پھیلے جان لیوا کورونا وائرس کے باعث ہر چہرے پر خوف جھلک رہا ہے۔ پاکستان میں بھی کورونا اور اس کے مہلک اثرات نے لوگوں کے چہروں سے مسکراہٹ چھین لی ہے تاہم اس بوجھل اور خوف کے ماحول میں طاہر شاہ کے نئے گانے ''فرشتے'' نے لوگوں کی چہروں پر مسکراہٹ لانے کا کام کیا ہے اور لوگ تھوڑی دیر کے لیے کورونا کا خوف بھلا کر طاہر شاہ کے ''فرشتے'' پر دلچسپ تبصرے اور مزاحیہ طنز کرنے میں مصروف ہیں۔



گلوکار طاہر شاہ نے کئی روز قبل سوشل میڈیا پر اعلان کیا تھا کہ وہ جلد ہی اپنا نیا گانا ریلیز کرنے والے ہیں۔ ان کے اس اعلان کے ساتھ ہی لوگوں میں بے چینی بڑھ گئی تھی کہ طاہر شاہ اب کیا نیا شاہکار لانے والے ہیں۔ تاہم لوگوں کو یہ دیکھ کر مایوسی ہوئی کہ یہ تو 4 سال قبل ریلیز ہوئے گانے''اینجل'' کا اردو ترجمہ ہے۔ اس کے باوجود یہ گانا ٹوئٹر پر ٹاپ ٹرینڈ کررہا ہے اور یوٹیوب پر بھی ٹرینڈنگ میں ہے۔


طاہر شاہ نے گانا ریلیز کرنے سے قبل گانے سے متعلق ٹوئٹر پر لوگوں کو ویڈیو کا کانسیپٹ سمجھانے کی بھی کوشش کی اور لکھا بچے زمین کے فرشتے ہوتے ہیں۔ تاہم اس بار طاہر شاہ نے گانے کی ویڈیو میں خود اداکاری نہیں کی بلکہ یہ ایک اینیمٹڈ ویڈیو ہے جس میں ایک راجکمار اور پری کی محبت بھری کہانی دکھائی گئی ہے۔ ویڈیو میں راجکمار شاید طاہر شاہ خود ہی ہیں، طاہر شاہ نے ویڈیو میں پیغام بھی دیا ہے کہ انسان فرشتہ ہوتا ہے آپ سب فرشتوں کی طرح ہیں۔

طاہر شاہ کے دیگر گانوں کی طرح اس گانے پر بھی لوگ دلچسپ تبصرے اور مزاحیہ تنقید کررہے ہیں۔ سیاپا کڑی نامی ٹوئٹر ہینڈل سے لکھا گیا طاہر شاہ کو ''اینجل'' کا اردو ترجمہ کرنے میں 4 سال لگے۔

LOL taher shah took four years to translate 'angel' into 'farishta'

— R. (@Syappakurii) April 10, 2020

ایک اور صارف نے لکھا طاہر شاہ کو گوگل ترجمہ سیکھنے میں 4 سال لگے فرشتہ اینجل ہوتا ہے اور اینجل فرشتہ ہوتا ہے، مایوسی ہوئی۔

Taher Shah took 4 years just to learn Google translation.
Farishta is angel, angel is Farishta.
Disappointment..

— Pinakiio Pikachu (@ikanip11) April 10, 2020

شمیل نامی ٹوئٹر ہینڈل نے طاہر شاہ کے ویڈیو کانسیپٹ کی تعریف کی اور لکھا جب آپ کسی سے محبت کرتے ہیں تو آپ کو اس کا عکس ہر جگہ نظر آتا ہے واہ کتنا خوبصورت پیغام دیا ہے۔

When you love someone so much you see their reflection everywhere. What a beautiful message. pic.twitter.com/CE4SN60zLx

— Shumail (@Shumyl) April 10, 2020

صبور الرحمان نامی صارف نے لکھا جو لوگ لاک ڈاؤن کے باوجود گھروں میں نہیں بیٹھ رہے حکومت کو انہیں 24 گھنٹے مسلسل یہ گانا سنانا چاہئے۔ کچھ لوگ اس بات کا شکوہ کرتے نظر آئے کہ گانے میں طاہر شاہ کی ایک جھلک بھی نظر نہیں آئی۔

https://twitter.com/ThisIsSaboor/status/1248782006370140160

https://twitter.com/FarhanVirk/status/1248683118325874688