ایکسپریس پر حملہ کرنے والوں کو نہیں بخشیں گے اویس مظفر

ایکسپریس کے دفاتر کا دورہ، واقعے کی شدید مذمت، کارکنوں سے اظہار یکجہتی بھی کیا


Staff Reporter December 03, 2013
ايكسپريس ميڈيا گروپ كے دفتر پر حملے كے بعدركن سندھ اسمبلی سيد اويس مظفر واقعے كئ مذمت كر رہے ہيں ،فوٹو:محمد نعمان/ایکسپریس

ISLAMABAD: پیپلز پارٹی کے رہنما و سابق صوبائی وزیر سید اویس مظفر نے ایکسپریس میڈیا گروپ کے دفاتر پر حملے کی اطلاع کے فوری بعد دفتر پہنچ کر صحافی برادری کے ساتھ اظہار یکجہتی کیا۔

اویس مظفرنے اس موقع پرکہا کہ ایکسپریس پر دوسری بار حملہ کرکے صحافی برادری کو خوف زدہ کرنے کی مذموم کوشش کی گئی ہے جس کی ہم شدید الفاظ میں مذمت کرتے ہیں۔



انھوں نے جائے وقوع کا بھی دورہ کیا اورایکسپریس نیوز، ایکسپریس اخبار، ایکسپریس ٹریبیون ، سندھ ایکسپریس اور انصاف ٹائمز کے کارکنوں کو یقین دلایا کہ اس مشکل وقت میں سندہ حکومت ان کے ساتھ ہے اور کسی صورت ملوث عناصر کو نہیں بخشا جائے گا ۔ اویس مظفر نے کہا کہ تاریخ گواہ ہے کہ جب بھی صحافیوں کو خوفزدہ کرنے کی کوشش کی گئی ہے، انھوں نے اتنی ہی شدت سے مزاحمت کی اور دلیری سے اپنے فرائض انجام دیے۔دہشت گردوں کو بہت جلد کیفر کردار تک پہنچایا جائے گا ۔

تبصرے

کا جواب دے رہا ہے۔ X

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔

مقبول خبریں