یوتھ قرضہ اسکیمغفلت یاکرپشن برداشت نہیں کرینگےوزیراعظم

نوجوانوں کی شمولیت سے روزگارکے مواقع پیداکرنا اوراقتصادی سرگرمیوں کی بحالی میری ترجیح ہوگی۔ فوٹو: فائل

---

وزیراعظم نوازشریف نے کہا ہے کہ حکومت کی نوجوانوں کیلیے قرضہ اسکیم یقینا ملک میں لاکھوں لوگوں کی زندگی میں تبدیلی لائے گی۔ انھوں نے نوجوانوں کیلیے قرضہ اسکیموں میں شفافیت میرٹ اور مساویانہ تقسیم یقینی بنانے کے عزم کااعادہ کیا ہے۔

وزیراعظم ہائوس میں قرضہ اسکیم سے متعلق ایک اجلاس کی صدارت کرتے ہوئے انھوں نے کہا کہ ملک بھرمیں نوجوانوں کو قرضوں کی تقسیم میں متناسب برابری کو یقینی بنایاجائیگا۔میرا اپنے نوجوانوں سے وعدہ ہے کہ نوجوانوں کی شمولیت سے روزگارکے مواقع پیداکرنا اوراقتصادی سرگرمیوں کی بحالی میری ترجیح ہوگی۔



کاروباری قرضہ اسکیم میں کسی قسم کی غفلت اور کرپشن برداشت نہیں کی جائیگا۔ وزیراعظم کا کہنا تھاکہ درخواستگزاروں کی مددکیلیے بنکوں میں سہولت مراکزقائم کیے جائیں گے۔5لاکھ سے زائد نوجوانوں کو5سال کیلیے کاروباری قرضے دیے جائیں گے اور یہ 5لاکھ نوجوان یقینا لاکھوں خاندانوں کی زندگی میں بہتری لائیں گے۔