کراچی میں عمارت کی چھت سے گر کر لڑکی جاں بحق

ابتدائی طور پر واقعہ خودکشی معلوم ہوتا ہے تاہم مزید تحقیقات جاری ہے، پولیس ۔ فوٹو : فائل

---

ایم اے جناح روڈ پر عمارت کی چھت سے گر کر لڑکی جاں بحق ہوگئی۔

ایکسپریس نیوز کے مطابق ایم اے جناح روڈ پر اقبال پلازہ کے قریب عمارت کی چھت سے گر کر نوجوان لڑکی ہلاک ہوگئی جس کی لاش سول اسپتال منتقل کردی گئی ہے۔

پولیس کے مطابق لڑکی کی شناخت ورشا دختر دلیپ کمار کے نام سے ہوئی ہے جس کی عمر تقریباً 20 برس تھی۔ پولیس کا کہنا ہے کہ ابتدائی طور پر واقعہ خودکشی معلوم ہوتا ہے تاہم مزید تحقیقات جاری ہے۔