بھارتی حکومت کورونا کی آڑ میں مسلمانوں کو نشانہ بنا رہی ہے وزیر اعظم

مودی حکومت کےاقدامات جرمن نازیوں جیسےہیں۔ وزیر اعظم کا ٹوئٹ۔ (فوٹو، فائل)

---

وزیر اعظم عمران خان نے کہا ہے کہ کورونا وائرس وبا کا پھیلاؤ روکنے کی پالیسی کی آڑمیں بھارتی حکومت مسلمانوں کونشانہ بنارہی ہے۔

عمران خان کا اپنے ٹوئیٹ میں کہنا تھا کہ پرتشددکارروائیوں سےہزاروں بھارتی مسلمان بھوک میں مبتلاہیں۔ مودی حکومت کےاقدامات جرمن نازیوں جیسےہیں اور ہندوتوا کی متعصبانہ سوچ کاثبوت ہیں۔

یہ بھی پڑھیے: بھارت کی مسلم دشمنی، تبلیغی جماعت کے امیر پر وائرس پھیلانے کے الزام میں مقدمات درج

ہزاروں افرادکوبھوک/مصائب میں پھانسنے والی اپنی ناکام کروناپالیسی کیخلاف ردعمل سےتوجہ ہٹانے کیلئےمودی سرکارکا جان بوجھ کرمسلمانوں کونشانہ ستم بنانا ویسا ہی ہے جیساجرمنی میں نازیوں نے یہودیوں کیساتھ کیا۔نسلی بالادستی کےنظریے ہندوتوا سے مودی سرکار کےگہرے تعلق کا یہ ایک اور ثبوت ہے۔

— Imran Khan (@ImranKhanPTI) April 19, 2020

انہوں نے کہا کہ مودی کی پالیسی کے باعث ہزاروں مسلمان بے گھرہوئے۔ مودی سرکار کی مسلمانوں کے خلاف پرتشدد پالیسی کورونا وائرس کے پھیلاؤ میں ناکامی سے توجہ ہٹانے کی کوشش ہے۔

یہ بھی پڑھیے: بھارت میں کورونا کے پھیلاؤ کیلیے مسلمانوں کوذمے دار ٹھہرانا قابل مذمت ہے، او آئی سی

واضح رہے کہ بھارتی مصنفہ، صحافی اور سماجی کارکن ارون دتی رائے انکشاف کرچکی ہیں کہ بھارتی حکومت کورونا وائرس کی وبا کے پھیلاؤ کا ذمہ دار مسلمانوں کو ٹھہرا کر ہندوؤں کے جذبات کو اکسا رہی ہے جس سے حالات ایک بار پھر مسلمانوں کی نسل کشی کی طرف بڑھ رہے ہیں۔ دوسری جانب بھارت میں کورونا وبا کی ابتدا ہی سے تبلغی جماعت کو نشانہ بنانے کا سلسلہ جاری ہے۔ دوسری جانب اسلامی تعاون تنظیم کی جانب سے بھی بھارت میں مسلمانوں کے خلاف کورونا وائرس وبا کو بنیاد بنا کر اشتعال انگیزی کی مذمت کی گئی ہے۔