انضمام الحق کا میچ فکسنگ میں سزا یافتہ سلیم ملک کی خدمات سے فائدہ اٹھانے کا مشورہ

نوجوانوں کی رہنمائی کیلیے سلیم ملک کی خدمات حاصل کرکے پاکستان کرکٹ کا فائدہ ہوسکتا ہے، انضمام الحق

Abbas Raza April 20, 2020

نوجوانوں کی رہنمائی کیلیے سلیم ملک کی خدمات حاصل کرکے پاکستان کرکٹ کا فائدہ ہوسکتا ہے، انضمام الحق

WANA: انضمام الحق نے میچ فکسنگ میں سزا یافتہ سلیم ملک کی خدمات سے فائدہ اٹھانے کا مشورہ دیدیا۔

ایک انٹرویو میں سابق کپتان نے کہا کہ مڈل آرڈر بیٹسمین کا کیریئر بدقسمتی سے ناخوشگوار انداز میں ختم ہوا لیکن میرے خیال میں ان کو دوسرا موقع ملنا چاہیے، بھارت میں اظہرالدین بھی اسی نوعیت کی صورتحال میں رہے لیکن اب حیدرآباد کرکٹ ایسوسی ایشن کے صدر ہیں۔

انضمام الحق کا کہنا تھا کہ سلیم ملک اپنے وقت کے بہترین بیٹسیمنوں میں شمار ہوتے تھے، کرکٹ کا تجربہ اور گہری معلومات رکھتے ہیں، اگر نوجوانوں کی رہنمائی کیلیے ان کی خدمات حاصل کی جائیں تو پاکستان کرکٹ کا فائدہ ہوسکتا ہے۔

یاد رہے کہ آسٹریلوی کرکٹرز کو1994 میں فکسنگ کی پیشکش کرنے کے الزام میں سلیم ملک پر 2000 میں تاحیات پابندی عائد کی گئی تھی،8 سال بعد لاہور میں عدالت نے ان کی سزا ختم کردی لیکن کرکٹ کے دروازے تاحال بند ہے۔