شہر قائد میں معاشی بدحالی اور بے روزگاری سے تنگ آکر نوجوان نے خودکشی کرلی۔

کراچی کے علاقے کورنگی پانچ نمبر اولڈ پولیس لائن میں گھر سے پھندا لگی لاش ملی۔ پولیس نے موقع پر پہنچ کر قانونی کارروائی کی اور لاش کو جناح اسپتال منتقل کیا۔

متوفی کی شناخت نعمان کے نام سے ہوئی جس کی عمر 24 سال تھی۔ اس نے گلے میں پھندا لگا کر خودکشی کی ہے۔ پولیس نے بتایا کہ نعمان نے بےروزگاری اور معاشی بدحالی کے باعث خودکشی کی۔