مصنوعات کی فروخت رک گئی، برآمدی سودے منسوخ ہورہے ہیں، اپٹما
فوٹو: فائل
برآمدی سودے منسوخ ہورہے ہیں اور جو ادائیگیاں آنی تھیں وہ بھی تاخیر کا شکار ہیں، نئے آرڈز بھی موصول نہیں ہورہے۔ ٹیکسٹائل انڈسٹری کو اپنا وجود برقرار رکھنے کے لیے سرمائے کی شدید قلت کا سامنا ہے۔ ایسوسی ایشن نے وفاقی وزارت تجارت کے مشیر عبدالرزاق داؤد کے نام ایک ہنگامی مراسلے میں اپیل کی ہے کہ ٹیکسٹائل انڈسٹری کو بحران سے نکالنے کے لیے زیرو ریٹ کی سہولت (ایس آر او 1125) کو فی الفور بحال کیا جائے۔
خط میں کہا گیا ہے کہ سیلز ٹیکس کی چھوٹ ایف بی آر کے ان اندازوں کو بنیاد بناکر دی گئی تھا جس میں ٹیکسٹائل مصنوعات کی مقامی فروخت 50 فیصد ظاہر کی گئی تھی تاہم اب خود ایف بی آر اپنے اس اندازے کو غلط مان چکا ہے اور ٹیکسٹائل انڈسٹری کی مقامی فروخت مجموعی فروخت کا 20فیصد مان لی گئی ہے ۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔