برطانیہ کے ڈیل نائلر قومی کرکٹ ٹیم کے نئے فزیوتھراپسٹ اور ٹرینر مقرر

ڈیل نائلر اس سے قبل 2 بار پاکستانی ٹیم کے ساتھ کام کرچکے ہیں۔ فوٹو: ایکسپریس نیوز

---

برطانیہ کے ڈیل نائلر کو پاکستان کرکٹ ٹیم کا نیا فزیوتھراپسٹ اور ٹرینر مقرر کردیا گیا ہے اور وہ سری لنکا کے خلاف رواں ماہ شروع ہونے والی سیریز سے اپنے فرائض سرانجام دیں گے۔

ایکسپریس نیوز کے مطابق پاکستان کرکٹ بورڈ (پی سی بی) نے سری لنکا کے خلاف سیریز سے قبل ٹرینر صبور احمد اور ڈاکٹر ریاض احمد کو ٹیم سے الگ کردیا ہے اور اب ان کی جگہ سرے کاؤنٹی کے فزیوتھراپسٹ اور ٹرینر ڈیل نائلر کی خدمات لی گئی ہیں جو ٹی ٹوئنٹی ورلڈ کپ تک اپنے فرائض سر انجام دیں گے۔

واضح رہے کہ ڈیل نائلر اس سے قبل 2 بار پاکستانی ٹیم کے ساتھ کام کرچکے ہیں اور وہ انڈین پریمیئر لیگ (آئی پی ایل) میں پونے واریئرز کے ٹرینر اور فزیوتھراپسٹ بھی رہ چکے ہیں۔