رمضان المبارک کا چاند نظر نہیں آیا پہلا روزہ 25 اپریل کو ہوگا

مساجد میں افطاری کا انتظام نہیں کیا جائے گا مسجد آنے والے ایس او پیز پر عمل کریں، مفتی منیب الرحمن

ویب ڈیسک April 23, 2020

اجلاس مفتی منیب الرحمان کی زیرصدارت میٹ آفس کراچی میں ہوا فوٹوفائل

رمضان المبار ک کا چاند نظر نہیں آیا پاکستان میں پہلا روزہ 25 اپریل کو ہوگا۔

مرکزی رویت ہلال کمیٹی کے چیئرمین مفتی منیب الرحمان نے اعلان کیا کہ ملک کے کسی حصے سے رمضان المبارک کا چاند نظر آنے کی شہادت موصول نہیں ہوئی اور پاکستان میں پہلا روزہ ہفتہ 25 اپریل کو ہوگا۔

مفتی منیب الرحمن کی زیرصدارت مرکزی رویت ہلال کمیٹی کا اجلاس محکمہ موسمیات آفس کراچی میں منعقد ہوا۔ جب کہ تمام زونل کمیٹیوں کے اجلاس صوبائی ہیڈ کوارٹرز میں منعقد ہوئے ہیں۔ اس کے علاوہ اسلام آبادکی زونل کمیٹی کااجلاس وزارت مذہبی کوہسارکمپلیکس میں منعقد کیا گیا۔

یہ بھی پڑھیے: میں اور تقی عثمانی گھر پر نماز پڑھیں گے، مفتی منیب الرحمان

رویت ہلال سے متعلق اعلان کرتے ہوئے کمیٹی کے چیئرمین مفتی منیب الرحمن نے کورونا وائرس کے بعد پیدا شدہ حالات میں احتیاطی تدابیر سے متعلق جاری کردہ ہدایات پر عمل کرنے کی بھی اپیل کرتے ہوئے کہا کہ بزرگ ، بچے اور مریض گھروں پر نماز ادا کریں۔ تمام مساجد کی انتظامیہ کو تعاون کرنا چاہیے۔ موجودہ حالات میں مساجد میں افطاری کا انتظام نہیں کیا جائے گا۔ مسجد آنے والے حکومت کے جاری کردہ ایس او پیز پر عمل درآمد کریں۔

یہ بھی پڑھیں: رمضان میں کورونا سے بچنے کیلیے احتیاطی تدابیر اور رہنما اصول