چین سے امدادی سامان کی دوسری کھیپ پاکستان پہنچ گئی

ایک روز قبل چینی ماہرین کی ٹیم بھی پاکستان پہنچ چکی ہے، آئی ایس پی آر۔ فوٹو، فائل

---

چین سے میڈیکل ایمرجنسی ریلیف آئٹم کی دوسری کھیپ پاکستان پہنچ گئی۔

فوج کے شعبہ تعلقات عامہ آئی ایس پی آر کے مطابق میڈیکل ریلیف آئٹمزمیں پی سی آر ٹیسٹنگ کٹس ، سرجیکل ماسک ، حفاظتی لباس ، این 95 ماسک اور وینٹیلیٹر شامل ہیں جب کہ میجر جنرل ہوانگ چنگزین کی سربراہی میں چینی طبی ٹیم کل پاکستان پہنچ چکی ہے۔

یہ بھی پڑھیے: کورونا: چینی ڈاکٹرز کی ٹیم مدد کیلیے پاکستان پہنچ گئی

2nd sortie of medical emergency relief items against COVID19 from People Republic of China reached Pakistan today, including PCR testing Kits, surgical masks, protective suits, N95 masks and ventilators: ISPR#PakChinaFriendship pic.twitter.com/5Bqn6Bj6Yp

— Government of Pakistan (@GovtofPakistan) April 25, 2020

تفصیلات کے مطابق چین کی میڈیکل ٹیم میں وبائی امراض، آئی سی یو، پلمنالوجی اور نرسنگ کے ماہرین شامل ہیں۔ ماہرین کی یہ ٹیم ملک بھر کے مختلف ہسپتالوں میں دو ماہ تک کورونا وائرس سے متاثرہ مریضوں کا علاج کرے گی۔