جاں بحق چوں کی عمریں 9 سے 14 سال کے درمیان تھیں فوٹو: فائل
ایکسپریس نیوز کے مطابق کراچی کے علاقے سرجانی ٹاؤن میں عمارت کی تعمیر کی غرض سے گڑھا کھود کر پانی جمع کیا گیا تھا۔ شدید گرمی کے باعث آس پاس کے بچے اس میں نہانے لگے، اسی دوران 5 بچے ڈوب گئے۔ واقعے کی اطلاع ملتے ہی امدادی رضاکاروں کو بلایا گیا جنہوں نے گڑھے سے بچوں کی لاشیں نکالیں۔
پولیس کا کہنا ہے کہ جاں بحق بچوں کی عمریں 9 سے 14 سال کے درمیان تھیں۔ جاں بحق بچوں میں 2 سگے بھائی بھی شامل تھے۔ لاشوں کو ورثا کے حوالے کردیا گیا ہے جب کہ زیر تعمیر عمارت کے مالک کے خلاف قانونی کارروائی کی جارہی ہے۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔