امریکا نے پاکستان کے راستے افغانستان میں فوجی سامان کی ترسیل معطل کردی

امریکا نے پاکستان کے راستے افغانستان میں فوجی سامان کی ترسیل معطل کردی ہے۔


ایکسپریس نیوز کے مطابق امریکا نے پاکستان سے افغانستان جانےوالے فوجی سامان کی ترسیل کو معطل کردیا ہے۔پینٹاگون کی طرف سے یہ فیصلہ پاکستان میں نیٹو سپلائی کے خلاف ہونےو الے احتجاج کے باعث کیاگیا ہے،امریکی محکمہ دفاع کا کہنا ہے کہ فوجی سامان کی ترسیل کو وقتی طور پر روکا گیا ہے۔

واضح رہے کہ ڈرون حملوں کے خلاف احتجاج کے باعث تحریک انصاف نے غیر معینہ مدت کے لیے نیٹو سپلائی روکنے کے لیے دھرنے دیئے ہوئے ہیں جس کی وجہ سے نیٹو سپلائی کی ترسیل میں مشکلات پیش آرہی ہیں۔