لیاری پولیس اور رینجرز سے مقابلے میں گینگ وار کے 5 ملزمان ہلاک رینجرز اہلکار زخمی

ملزمان کی شناخت خالد بلوچ، واجد بلوچ،صدام بلوچ،مشاق عرف مشکی اور نور محمد عرف بابا کے نام سے ہوئی ۔فوٹو: فائل

---

لیاری میں پولیس اور رینجرز سے فائرنگ کے تبادلے میں گینگ وار کے 5 ملزمان ملزم ہلاک جبکہ ایک رینجرز اہلکار زخمی ہوگیا۔

ایکسپریس نیو ز کے مطابق پولیس اور رینجرز حکام کا کہنا تھا کہ قانون نافذ کرنے والے اداروں کی نفری لیاری کے مختلف علاقوں میں ملزمان کی گرفتاری کے لیے داخل ہو ئی تو ملزمان نے ان پر فائرنگ کر دی، پولیس اور رینجرز کی جانب سے جوابی فائرنگ کی گئی جس کے نتیجے میں لیاری گینگ وار کے 5ملزمان ہلا ک ہو گئےجبکہ ملزمان کی فائرنگ سے رینجرز کا ایک اہلکار زخمی ہو گیا۔ ہلاک ہونے والے ملزمان کی لاشوں کو سول اسپتال منتقل کیا گیا جہاں ان کی شناخت خالد بلوچ، واجد بلوچ،صدام بلوچ،مشاق عرف مشکی اور نور محمد عرف بابا کے نام سے ہوئی ۔