عاصم اظہرکا گانا دس کروڑ کلب میں شامل

عاصم اظہر سے قبل گلوکار راحت فتح علی خان، عاطف اسلم اور مومنہ مستحسن کے گانوں کو 100 ملین سے زائد ویوز ملے تھے فوٹوٹوئٹر

---

نامور گلوکار عاصم اظہر کے گانے نے یوٹیوب پر دس کروڑ ویوز حاصل کرلیے۔

گلوکار عاصم اظہر کے گانے ''جو تونہ ملا'' نے یوٹیوب پر 100 ملین ویوز یعنی دس کروڑ ویوز حاصل کرلیے۔ انہوں نے اپنے گانے کو اتنا زیادہ پسند کیے جانے پر سوشل میڈیا پر تمام مداحوں کا شکریہ ادا کیا ہے۔

عاصم اظہر 100 ملین ویوز کے بعد کم عمر اور چوتھے پاکستانی بن گئے ہیں جن کے گانے کو یوٹیوب پر دس کروڑ سے زائد بار دیکھا گیا ہے۔ ان سے قبل گلوکار راحت فتح علی خان، عاطف اسلم اور مومنہ مستحسن کے گانوں کو 100 ملین سے زائد ویوز ملے تھے۔

100 MILLION VIEWS. ♥️ #jotunamila

And it gives me immense honour to become the youngest & only the 4th Pakistani artist (after Rahat Fateh Ali Khan sb, Atif Aslam & Momina Mustehsan) to have 2 or more songs in the 100 million club. 😊 thank you. I love you guys. pic.twitter.com/T8donMa54H

— Asim Azhar (@AsimAzharr) May 4, 2020

عاصم اظہر کا یہ پہلا گانا نہیں ہے جس نے 100 ملین ویوز کا سنگ میل عبور کیا ہے بلکہ اس سے قبل کوک اسٹوڈیو 9 میں گلوکارہ مومنہ مستحسن کے ساتھ گائے گانے ''تیرا وہ پیار'' کو بھی دس کروڑ سے زائد بار دیکھا جاچکا ہے۔ تاہم یہ عاصم اظہر کا سنگل گانا نہیں تھا۔ ''جو تونہ ملا'' گانے میں عاصم اظہر کے ساتھ اقرا عزیز بھی شامل ہیں، گانے کی موسیقی عاصم اظہر نے دی ہے جب کہ اس کی شاعری کنال ورما نے لکھی ہے۔

عاصم اظہر کے گانے کو ریلیز کے بعد جہاں پاکستانیوں نے بے حد پیار دیا تھا وہیں بالی ووڈ سے بھی اس گانے کو تعریف ملی تھی۔ بالی ووڈ ہدایت کار وپروڈیوسرکرن جوہر نے عاصم اظہر کے گانے کو سوشل میڈیا پر بے حد سراہاتھا۔

https://twitter.com/karanjohar/status/1065526135629520896