پنجاب میں 10 سے کم کورونا کیسز والے شہروں کو کاروبار کی اجازت دینے کا فیصلہ

کھولے جانیوالے کاروبار چلانے کے لیے ایس او پیز پر عملدآمد کرنا سب کے لئے لازم ہوگا، اجلاس میں فیصلہ ۔ فوٹو : فائل

---

پنجاب حکومت نے 10 سے کم کورونا کیسز والے شہروں کو کاروبار کی اجازت دینے کا فیصلہ کرلیا۔

وزیراعلیٰ پنجاب عثمان بزدار کی زیرصدارت اہم اجلاس ہوا جس میں 10 سے کم کورونا کیسز والے شہروں میں کاروباری سرگرمیاں مکمل کھولنے پر اصولی اتفاق کیا گیا۔

یہ بھی پڑھیں :9 مئی سے لاک ڈاؤن میں نرمی کا فیصلہ

کھولے جانیوالے کاروبار چلانے کے لیے ایس او پیز پر عملدآمد کرنا سب کے لئے لازم ہوگا جن پر عملدرآمد کی ذمہ داری متعلقہ مارکیٹ کے صدر اور تنظیم پر عائد ہوگی۔