بلوچستان میں پولیو کے 3 نئے کیس سامنے آگئے

صوبہ بلوچستان میں رواں برس پولیو کے سامنے آنے والے کیسز کی تعداد 10 ہوچکی ہے۔ (فوٹو، فائل)

---

بلوچستان کے محکمہ صحت نے صوبے میں پولیو کے تین نئے کیسز کی تصدیق کردی ہے۔

صوبائی محکمہ صحت کے مطابق جھل مگسی میں 13 ماہ کی بچی میں بھی پولیو وائرس کی تصدیق ہوئی ہے۔نصیر آباد میں ساڑھے چار سال کی بچی اور ژوب میں 8 ماہ کی بچی میں پولیو وائرس کی تصدیق ہوئی ہے۔ رواں برس صوبے میں پولیو کے سامنے آنے والے کیسز کی تعداد 10 ہوچکی ہے۔

یہ بھی پڑھیے: بلوچستان میں پولیو کا نیا کیس سامنے آگیا

کورونا وائرس سے 73 ڈاکٹرز متاثر ہوئے، ڈی جی ہیلتھ

ڈی جی ہیلتھ سلیم ابڑو نے پریس کانفرنس میں بتایا ہے کہ بلوچستان میں کورونا سے 73 ڈاکٹرز متاثر ہوئے جن میں سے 10 صحت یاب ہوچکے ہیں۔ 35 پیرا میڈیکس اور 4 نرسز کورونا سے متاثر ہوئے جن میں 1 صحتیاب ہو گئی۔ انہوں نے بتایا کہ اسپتالوں میں سینٹائزر گلوز پی پی ای کٹس فراہم کی ہیں۔