غیرقانونی الاٹمنٹ کیس نیب ملتان نے بھی شہبازشریف سے جواب طلب کرلیا

شہباز شریف کو 18مئی کوجواب جمع کروانے کی ہدایت کی گئی ہے. فوٹو:فائل

---

نیب کی جانب سے مسلم لیگ (ن) کے صدر شہباز شریف کو تحریری سوالنامہ بھیج دیا گیا۔

ایکسپریس نیوزکے مطابق نیب ملتان نے نیشنل پارک بہاولپور کیلئے اراضی کی الاٹمنٹ کے معاملہ پر سابق وزیر اعلی پنجاب شہبازشریف سے جواب طلب کر لیا ہے اور شہباز شریف کو 18 مئی کوجواب جمع کروانے کی ہدایت کی گئی ہے۔

ذرائع کے مطابق نیب ملتان 14 ہزار 400 کینال رقبہ کی غیرقانونی الاٹمنٹ کی انکوائری کررہا ہے، اور نیب کی جانب سے شہباز شریف سمیت سابق ایم این اے بلیغ الرحمان اور چوہدری عمر محمود ایڈووکیٹ کو بھی تحریری سوالنامہ بھیجا گیا ہے، جب کہ چولستان ڈویلپمنٹ اتھارٹی کے افسران کو بھی سوالنامہ بھیجا ہے۔