اسٹیٹ بینک کی قرضوں کی اسکیم سے نجی کاروباری ادارے فائدہ اٹھا رہے ہیں

ملازمین کو نوکری سے نہ نکالنے کی صورت میں ملازمین کی3ماہ کی تنخواہوں کیلیے رعایتی قرض کی خصوصی اسکیم متعارف کرائی تھی۔ فوٹو : فائل

---

ورکرز کی ملازمتوں کے تحفظ کیلیے اسٹیٹ بینک کی قرضوں کی اسکیم سے نجی کاروباری ادارے اور کمپنیاں بھرپور فائدہ اٹھا رہے ہیں جس سے لاکھوں ورکرز کی ملازمتوں کو محفوظ بنانے میں مدد مل رہی ہے۔

اسٹیٹ بینک نے کورونا کی وبا اور معاشی اثرات سے متاثرہ کاروباری اداروں اور کمپنیوں کو ان کے ملازمین کو نوکری سے نہ نکالنے کی صورت میں ملازمین کی3ماہ کی تنخواہوں کیلیے رعایتی قرض کی خصوصی اسکیم متعارف کرائی تھی، اس اسکیم کے تحت بینکوں نے 30 اپریل تک 209 کمپنیوں کو 23 ارب روپے کے قرضہ جاری کیے ہیں، ان قرضوں سے 2لاکھ 20 ہزار ورکرز کی ملازمتوں کو تحفظ ملے گا۔