علی ظفر فلم تیرے بن لادن ٹو میں آئٹم سونگ کرینگے

بالی ووڈ اسٹائل کے ائٹم سانگ کیلیے ڈانس ریہرسل کررہا ہوں، پاکستانی گلوکار۔ فوٹو: فائل

---

فلم ''تیرے بن لادن'' کی کامیابی کے بعد بالی ووڈ میں شہرت کی بلندیوں پر پہنچنے والے پاکستانی پاپ گلوکار و اداکار علی ظفرکو جس طرح بھارتی فلموں کی پیشکش ہورہی ہیں وہیں اب ان سے ائٹم سونگ بھی کرایا جائیگا۔

علی ظفر اپنی ہی بلاک بسٹر فلم تیرے بن لادن کے سیکوئل"تیرے بن لادن ٹو"میں اب بحیثیت مہمان اداکارائٹم سونگ کرتے نظر آئیں گے۔



اپنے سوشل نیٹ ورکنگ پروفائل پر علی ظفر نے اپنے مداحوں کے لیے یہ پیغام چھوڑا ہے کہ اج کل وہ ایک ائٹم سونگ کے لیے انتہائی محنت سے ڈانس ریہرسل کررہے ہیں جو مکمل طور پر بالی ووڈ اسٹائل میں ہوگا گو ائٹم سونگ کے حوالے سے تمام تفصیلات فی الحال خفیہ رکھی گئی ہیں تاہم یہ واضح کردیا گیا ہے کہ اس ائٹم سونگ کے گلوکار و کمپوزر خود علی ظفر ہی ہونگے۔