سانگھڑ سماج دشمنوں کیخلاف آپریشن درجنوں گرفتار مقابلے میں مفرور ملزم ہلاک

غیرقانونی پتھاروں کے خلاف کارروائی کے دوران اسلحہ برآمد کرکے بشیر مہکانی ، مختیار رند، نیاز علی تھہیم پر کیس داخل کیا۔فوٹو:فائل

---

سانگھر میں سماج دشمنوں کے خلاف کریک ڈاؤن ، مقابلے میں مفرور ملزم ہلاک، اسلحہ منشیات برآمد۔

درجنوں افراد گرفتار، ایس ایس پی سانگھڑ ڈاکٹر فرخ علی نے میڈیا کو بریفنگ دیتے ہوئے بتایا کہ پیرومل تھانہ کی حدود میں ایک مفرور ملزم اولادی بگٹی کو پولیس مقابلے میں گرفتار کیا جبکہ سنگین وارداتوں میں مطلوب ڈاکو حضور بخش رند ہلاک ہوگیا، ان کے قبضے سے ایک رائفل، ایک پستول، 2چوری کی موٹرسائیکلیں برآمد کیں۔



دوسری طرف غیرقانونی پتھاروں کے خلاف کارروائی کے دوران اسلحہ برآمد کرکے بشیر مہکانی ، مختیار رند، نیاز علی تھہیم پر کیس داخل کیا، منشیات کے خلاف مہم کے دوران عزیز مگسی، علی گل مری، سلیم جمالی سے چرس، شراب، مضر صحت گٹکے کی پڑیاں برآمد کیں،سنگین وارداتوں ملوث 20 اشتہاری ملزمان کو گرفتار کیا، شک چوری پر36 موٹرسائیکل، ایک ٹرک، 8 ٹریکٹر، 2 کاریں قبضے میں کیں، اکڑا پرچی میں ملوث محمد حسن عباس، عمران راجپوت، شہباز یوسف زئی، محمد اشرف کو گرفتار کرکے چالان کیا۔