پاکستان کے سابق فاسٹ بولر شعیب اختر نے کہا ہے کہ میں بھی گوتم گمبھیر اور وریندر سہواگ کو برا بھلا کہہ سکتا ہوں مگر کہوں گا نہیں۔

ایک ایپ کو انٹرویو میں سابق اسپیڈ اسٹار نے کہا کہ دونوں سابق بھارتی کرکٹرز اچھے انسان ہیں مگر جب وہ ٹی وی پر آئیں تو جو منہ میں آئے بولنا شروع کردیتے ہیں۔ میں بھی انھیں برا بھلا کہہ سکتا ہوں مگر ایسی باتیں نہیں کروں گا کیونکہ بچے بھی یہ شو دیکھ رہے ہوں گے۔

شعیب اختر نے نسیم شاہ سمیت نئے آنے والے بولرز کو مشورہ دیا کہ وہ جارحانہ پن سے زیادہ اپنی بولنگ پر توجہ دیں، میں بھی اندر سے کافی نرم ہوں مگر ایک بولر کے طور پر میری ساکھ جارح مزاج کی تھی۔