سندھ میں بچے بزرگ اور خواتین ڈبل سواری کی پابندی سے مستثنی قرار

وبائی ایکٹ 2014 کے تحت پابندیاں عائد کی گئی تھیں۔ فوٹو، ایکسپریس

---

KARACHI: موٹرسائیکل کی ڈبل سواری پر پابندی کے عدالتی فیصلے میں نظرثانی کی ہدایت کے بعد محکمہ داخلہ سندھ نے بچوں ، بزرگوں اور خواتین کوموٹرسائیکل کی ڈبل سواری کی پابندی سے مستثنی کردیا ہے۔

جاری کردہ ہدایات میں قانون نافذ کرنے والے اداروں ، صحافیوں اور دیگر عملے کو استثنیٰ حاصل نہیں ہوگا ان کے لیے ڈبل سواری کی پابندی برقراررہے گی ۔ محکمہ داخلہ سندھ کے نوٹیفیکیشن میں کہا گیا ہے کہ بچوں ، بزرگوں اور خواتین کے لیے ڈبل سواری کی پابندی ختم کردی ہے۔

ڈبل سواری سے مستثنی ( فیملی) خواتین، بچوں اور بزرگوں کا مقصد ایک ہی گھر میں رہنے والے افراد ہیں اوروبائی ایکٹ 2014 کے تحت قانون نافذ کرنے والے اداروں ، صحافیوں اور دیگر اسٹاف کو استثنیٰ حاصل نہیں ہوگا۔