عدالتی حکم پر بدین بس اسٹاپ سے تجاوزات کا خاتمہ

تجاوزات کے خلاف بدین سیشن کورٹ کے حکم پر بدین بس اسٹاپ پر قائم تجاوزات کو ختم کر دیا گیا۔ تفصیلات کے مطابق گزشتہ برسوں میںتلہار شہر میں تجاوزات اس قدر بڑھ گئیں ہیں یہاں ٹریف جام رہنا معمول اور پیدل چلنا بھی محال ہو گیا ہے۔

روڈ کے دونوں اطراف گاڑیوں کی غیر قانونی پارکنگ، مچھلی، پھل، گوشت، مرغی سبزیوں کے ٹھیلے اور پتھاروں کی وجہ سے بدین بس اسٹاپ پر گھنٹوں ٹریفک جام رہتا ہے۔تجاوزات کیخلاف عبدالشکور گوپانگ نامی شہری نے سیشن کورٹ بدین میں درخواست دائر کی ۔




جس کا نوٹس لیتے ہوئے سیشن جج نے تجاوزات کو ہٹانے کا حکم جاری کیا جس پر عمل کرتے ہوئے اے سی تلہار، مختار کار اور ایس ایچ او تلہار کی نگرانی میں پولیس کی بھاری نفری نے ہیوی مشینری کے ساتھ بدین بس اسٹاپ پر برسوں سے قائم تجاوزات کا خاتمہ کردیا۔