ملک بھرمیں ٹڈی دل کے خلاف آپریشن کی تفصیلات جاری

اب تک پورے ملک میں 4لاکھ 97 ہزار ہیکٹر رقبہ پر سپرے کیا جا چکا ہے، ترجمان این ڈی ایم اے

ویب ڈیسک June 01, 2020

سندھ میں گذشتہ روز 600 ہیکٹر رقبہ ٹریٹمنٹ کیا گیا: فوٹو: فائل

MULTAN: این ڈی ایم اے نے ملک بھرمیں ٹڈی دل کے خلاف آپریشن کی تفصیلات جاری کردیں۔

ترجمان این ڈی ایم اے کے مطابق ٹڈی دل کے حملہ ذدہ علاقوں کا سروے اورکنٹرول آپریشن جاری ہے، گذشتہ 24 گھنٹوں میں 3لاکھ 50 ہزار ہیکٹر رقبہ کا سروے ہوا، 4900 ہیکٹر رقبہ کا ٹڈی مار ادویات سے ٹریٹمنٹ کیا گیا۔

ترجمان این ڈی ایم اے کا کہنا ہے کہ بلوچسستان میں 3200 ہیکٹر رقبہ پر، پنجاب میں 100 ہیکٹر پر، خیبر پختونخواہ میں 1000 ہیکٹر رقبہ کی ٹریٹمنٹ جب کہ سندھ میں گذشتہ روز 600 ہیکٹر رقبہ ٹریٹمنٹ کیا گیا۔ اب تک پورے ملک میں 4لاکھ 97 ہزار ہیکٹر رقبہ پر سپرے کیا جا چکا ہے۔