ٹڈّی دَل حملوں کو روکنے کیلیے ہر ممکن تعاون فراہم کیا جائے آرمی چیف

آرمی چیف نے نیشنل لوکسہٹ کنٹرول سینٹر(این ایل سی سی) کا دورہ کیا، آئی ایس پی آر۔ فوٹو، فائل

---

چیف آف آرمی اسٹاف جنرل قمر جاوید باجوہ نے کہا ہے کہ ٹڈی دَل کے خطرے سے نمٹنے کے لیے سول انتظامیہ سے بھرپور تعاون کیا جائے۔

پاک فوج کے شعبہ تعلقات عامہ کی جانب سے جاری کردہ تفصیلات کے مطابق جمعرات کو آرمی چیف نے نیشنل لوکہسٹ کنٹرول سینٹر(این ایل سی سی) کا دورہ کیا۔ اس موقعے پر این ایل سی سی کے چیف کو آرڈی نیٹر لیفٹننٹ جنرل معظم اعجاز نے آرمی چیف کو ٹڈی دَل کے حملوں پر قابو پانے کے اقدامات کی تفصیلات سے آگاہ کیا۔

یہ بھی پڑھیے: ٹڈّی دَل کے حملوں سے ہزاروں ایکڑ فصل تباہ، باغات بھی متاثر

آرمی چیف نے این ایل سی سی کے ٹڈی دَل پر قابو پانے کے لیے ترتیب دیے گئے نیشنل ایکشن پلان میں مربوط کوششوں پر این ایل سی سی کے اقدامات کو سراہا اور اس سلسلے میں سول انتظامیہ کو ہر ممکن تعاون فراہم کرنے ہدایت کی۔

COAS visited National Locust Control Center #NLCC Rwp. Was briefed by Lt Gen Moazzam Ejaz, Chief Coordinator NLCC, about efforts being undertaken to counter locust threat. COAS appreciated NLCC role in synergizing national efforts in line with National Action Plan. 1/2 pic.twitter.com/ulpzmf1hvd

— DG ISPR (@OfficialDGISPR) June 4, 2020

ان کا کہنا تھا کہ غذائی تحفظ اور منفی ماحولیاتی اثرات کی روک تھام کے لیے ٹڈی دَل پر قابو پانے کے آپریشنز انتہائی اہمیت کے حامل ہیں۔ حکومت پہلے ہی اس حوالے سے قومی ایمرجنسی کا اعلان کرچکی ہے۔