ٹارگٹڈ کارروائیوں میں 91ملزمان گرفتار اسلحہ برآمد

وفاقی اردو یونیورسٹی کے قریب اسنیپ چیکنگ میں 18مبینہ ملزمان زیرحراست

Staff Reporter December 07, 2013

زیر حراست افراد کے قبضے سے سب مشین گن سمیت دیگر اسلحہ بھی بر آمد ہوا ہے۔ فوٹو: فائل

NEW DELHI: رینجرز اور پولیس نے مختلف علاقوں میں ٹارگٹڈ آپریشن اور چھاپہ مار کارروئیاں کرتے ہوئے91 ملزمان کو گرفتار کر کے ملزمان کے قبضے سے بھاری تعداد میں اسلحہ برآمد کر لیا۔

تفصیلات کے مطابق رینجرز ترجمان کے مطابق رینجرز کی مختلف پارٹیوں نے جمعرات اور جمعہ کی درمیانی شب شہر کے9علاقوں لانڈھی، کورنگی، گلبہار خاموش کالونی، بلدیہ ٹاؤن کے علاقے ڈبہ کالونی، رشید آباد ، پیر آباد کے علاقے محمد پور ، ٹائر مارکیٹ ، مچھر کالونی اور پاک کالونی میں ٹارگٹڈ آپریشن جبکہ قصبہ کالونی کٹی پہاڑی ، عبد اﷲ کالج چورنگی اور گلشن اقبال وفاقی اردو یونیورسٹی کے قریب اسنیپ چیکنگ بھی کرتے ہوئے مجموعی طور پر18مبینہ ملزمان کو حراست میں لے لیا۔

تفتیش کے لیے انھیں نامعلوم مقام پر منتقل کر دیا ، زیر حراست افراد کے قبضے سے سب مشین گن سمیت دیگر اسلحہ بھی بر آمد ہوا ہے ، پولیس نے گزشتہ 24 گھنٹوں کے دوران شہر کے مختلف علاقوں میں65چھاپہ مارکارروائیوں کے دوران 73ملزمان کو گرفتار کرلیا۔