بورڈ نے مجھے ریٹائر کرانے کیلیے ہنگامی طور پرمیچ رکھا مشرفی مرتضیٰ

بنگلادیش کے سابق کپتان مشرفی مرتضیٰ نے انکشاف کیاکہ بورڈ نے انھیں ریٹائر کرانے کیلیے ہنگامی طور پر زمبابوے سے ون ڈے میچ کی منصوبہ بندی کی تھی۔

مشرفی مرتضیٰ نے کہا کہ ورلڈ کپ کے بعد ہی میں ریٹائرمنٹ لینا چاہتا تھا مگر پھر ٹیم میں استحکام کی بات ہونے لگی اور مجھے رکنا پڑا، میں نے بی سی بی کے صدر نظم الحسن سے کہا کہ پہلے بنگلادیش پریمیئر لیگ کھیلنا چاہتا ہوں اس کے بعد کپتانی چھوڑ دوں گا، اس دوران بورڈ نے زمبابوے کے خلاف میرے لیے الوداعی میچ کا اہتمام کیا جو2 کروڑ ٹکا میں پڑتا، جس انداز میں بی سی بی نے میری ریٹائرمنٹ کا پلان بنایا اس پر مجھے کافی افسوس ہوا، میں نے اس میچ میں شرکت سے انکار کردیا۔


واضح رہے کہ کپتانی چھوڑنے کے باوجود مشرفی نے ابھی تک انٹرنیشنل کرکٹ سے ریٹائرمنٹ کا اعلان نہیں کیا۔