اداکارہ روبینہ اشرف کے آئی سی یو منتقل ہونے کی افواہیں مسترد

روبینہ اشرف نے کورونا وائرس کا ٹیسٹ مثبت آنے کے بعد خود کو گھر میں قرنطینہ کرلیا تھا۔ فوٹو: فائل

---

رکن قومی اسمبلی ڈاکٹر عامر لیاقت حسین نے کورونا وائرس کا شکار پاکستان کی معروف اداکارہ روبینہ اشرف کے آئی سی یو میں منتقل ہونے کی خبروں کی تردید کردی۔

سوشل میڈیا پر چلنے والی خبروں کے مطابق کورونا وائرس کا شکار پاکستان کی معروف اداکارہ روبینہ اشرف کو طبیعت بگڑنے پر انتہائی نگہداشت کے وارڈ میں منتقل کردیا گیا تھا تاہم ڈاکٹر عامر لیاقت حسین نے ان خبروں کی تردید کردی ہے۔

ڈاکٹر عامر لیاقت حسین نے ٹوئٹر پر لکھا روبینہ اشرف صاحبہ گھر پر رو بصحت ہیں ان کی آئی سی یو میں شفٹ کیے جانے کے حوالے سے پھیلائی جانے والی تمام خبریں بے بنیاد ہیں، روبینہ اشرف صاحبہ کے شوہر طارق بھائی نے دعائے صحت کی اپیل کی ہے جبکہ رکن سندھ اسمبلی شہزاد قریشی بھی اہل خانہ سے رابطے میں ہیں۔

روبینہ اشرف صاحبہ گھر پر رو بصحت ہیں ان کی آئی سی یو میں شفٹ کیے جانے کے حوالے سے پھیلائی جانے والی تمام خبریں بے بنیاد ہیں ، روبینہ اشرف صاحبہ کے شوہر طارق بھائی نے دعائے صحت کی اپیل کی ہے جبکہ رکن سندھ اسمبلی شہزاد قریشی بھی اہل خانہ سے رابطے میں ہیں #RubinaAshraf

— Aamir Liaquat Husain (@AamirLiaquat) June 7, 2020

60 سالہ اداکارہ روبینہ اشرف میں گزشتہ ہفتے کورونا وائرس کی تشخیص ہوئی تھی جس کے بعد انہوں نے خود کو گھر میں قرنطینہ کرلیا تھا۔ اداکارہ کو کورونا وائرس کے باعث سانس لینے میں تکلیف کا سامنا تھا۔

روبینہ اشرف کی طبیعت خرابی کی خبر سن کر شوبز انڈسٹری سے وابستہ فنکاروں نے ان کے جلد صحت یاب ہونے کی دعا کی ہے۔ ندا یاسر اور یاسر نواز جو خود بھی کورونا وائرس کا شکار ہیں نے روبینہ اشرف کی تصویر شیئر کرتے ہوئے ان کی صحت کے لیے دعا کی۔

[instagram-post url="https://www.instagram.com/p/CBJ_W4tJIeB/"]

ہمایوں سعید، ماہرہ خان، منشا پاشا، انجلین ملک اور علی رحمان خان سمیت متعدد شوبز اسٹارز روبینہ اشرف کے لیے دعا گو ہیں اور ان کی جلد صحت یابی کے لیے دعا کررہے ہیں۔

Please pray for Rubina Ashraf. May Allah grant her good health and quick recovery pic.twitter.com/CK5jdkSvze

— Humayun Saeed (@iamhumayunsaeed) June 7, 2020

Sending a prayer to Rubina Ashraf jee! Hoping and praying she gets well soon! 🙏♥️

— Mansha Pasha (@manshapasha) June 7, 2020