قومی ٹیسٹ کرکٹرز  کا یونس خان اور مشتاق احمد کی تقرریوں پر خوشی کا اظہار

دورہ انگلینڈ کیلیے دونوں فارمیٹ میں مجموعی طور پر 25 کھلاڑیوں کی روانگی متوقع

---

قومی ٹیسٹ کرکٹرز نے یونس خان اور مشتاق احمد کی تقرریوں پر خوشی کا اظہار کیا ہے۔

قومی ٹیسٹ کرکٹ ٹیم کے ستاروں نے دورہ انگلینڈ کے لیے یونس خان اور مشتاق احمد کی تقرریوں پر خوشی کا اظہار کیا ہے۔ اگست، ستمبر میں پاکستان کو میزبان انگلینڈ کے خلاف 3 ٹیسٹ اور 3 ٹی ٹونٹی میچوں پر مشتمل سیریز کھیلنی ہے۔

Mushtaq and Younis appointments excite Test starshttps://t.co/wjDM9YLF7F pic.twitter.com/kjASM89GEy

— PCB Media (@TheRealPCBMedia) June 11, 2020

مشتاق احمد کی بطور اسپن باؤلنگ کوچ اور مینٹور جب کہ یونس خان کی بیٹنگ کوچ کی حیثیت سے تعیناتی نے پاکستان کی ٹیم منیجمنٹ کو مزید تقویت بخشی ہے، جہاں پہلے ہی مصباح الحق بطور ہیڈ کوچ اور وقار یونس باؤلنگ کوچ کی حیثیت سے کام کررہے ہیں۔ دورہ انگلینڈ کے لیے دونوں فارمیٹ میں مجموعی طور پر 25 کھلاڑیوں کی روانگی متوقع ہے۔

اس سے قبل پاکستان نے 2016 اور 2018 میں انگلینڈ کا دورہ کیا۔ یہ دونوں سیریز ڈرا ہوئی تھیں جس کے بعد ورلڈ ٹیسٹ چیمپئن شپ میں شامل آئندہ سیریز کو خاص اہمیت حاصل ہے۔