یونس خان کے ساتھ ہمیشہ استاد اور شاگرد والا تعلق رہا شان مسعود

یونس خان کو اس نئے کردار میں دیکھنے کا مطلب معلومات کا خزانہ ملنا ہے، شان مسعود

---

ٹیسٹ بلے باز شان مسعود کا کہنا ہے کہ یونس خان کے ساتھ ہمیشہ استاد اور شاگرد والا تعلق رہا ہے۔

قومی ٹیسٹ کرکٹ ٹیم کے اوپنر شان مسعود نے کہا کہ وہ یونس خان کی بطور بیٹنگ کوچ تعیناتی پر بہت پرجوش ہیں اور وہ اسے ایک نامور کھلاڑی کی خدمات کے حصول کا ایک بہترین انداز قرار دیتے ہیں۔ انہوں نے کہا کہ یونس خان کے ساتھ ہمیشہ استاد اور شاگرد والا تعلق رہا ہے، وہ ان کے ساتھ ڈریسنگ روم شیئر کرنے کے لیے پرجوش ہیں اور اس سے بہت فائدہ ہوگا۔

I am very excited at the news of Younis being appointed as our batting coach and it is a great step to reap the services of one of Pakistan’s best: @shani_official

More ➡️ https://t.co/ZCfyz3dzCI pic.twitter.com/zTvqVX69yv

— Pakistan Cricket (@TheRealPCB) June 11, 2020

شان مسعود نے کہا کہ یونس خان کیرئیر کے دوران بھی اپنے ساتھیوں کی مدد کے لیے ہمہ وقت تیار رہتے تھے، وہ اکثر خود سے زیادہ دوسرے کھلاڑیوں کی مدد کرنے میں وقت گزارتے تھے۔ انہوں نے کہا کہ یونس خان کو اس نئے کردار میں دیکھنے کا مطلب معلومات کا خزانہ ملنا ہے، جس سے بہت فائدہ ہوگا۔

واضح رہے شان مسعود نے ٹیسٹ کرکٹ میں اپنی پہلی سنچری پالیکلے میں داغی جہاں ان کے اور یونس خان کے درمیان ایک مضبوط شراکت نے پاکستان کو فتح دلانے میں اہم کردار ادا کیا تھا۔