کابل میں نماز جمعہ کے دوران دھماکے سے امام سمیت 4 افراد جاں بحق

دھماکہ خیز مواد مسجد کے اندر ہی رکھا گیا تھا، افغان وزارت داخلہ - فوٹو: رائٹرز

---

KARACHI ': افغانستان کے دارالحکومت میں جامع مسجد شیر شاہ سوری میں نمازہ جمعہ کے دوران دھماکے سے امام سمیت 4 افراد جاں بحق ہوگئے ہیں۔

افغان میڈیا کے مطابق کابل کے مغربی علاقے کی جامع مسجد شیر شاہ سوری میں نماز جمعہ کے دوران دھماکا ہوا جس کے نتیجے میں جامع مسجد کے امام عزیزاللہ سمیت 4 افراد جاں بحق اور متعدد زخمی ہوئے جنہیں فوری طور پر قریبی اسپتال منتقل کردیا گیا۔

افغان وزارت داخلہ نے دھماکے کی تصدیق کرتے ہوئے کہا کہ دھماکہ خیز مواد مسجد کے اندر ہی رکھا گیا تھا جو جمعہ کی نماز سے پہلے پھٹ گیا۔

#UPDATE At least four people were killed after a blast ripped through a crowd during Friday prayers at a mosque in #Kabul, Afghan officials said, in the latest attack on the city ahead of potential talks with insurgents https://t.co/8iUNrlokZs pic.twitter.com/IPFPzTa2J6

— AFP News Agency (@AFP) June 12, 2020

واضح رہے کہ 2 جون کو بھی کابل ہی کی مسجد وزیراکبر خان میں دھماکے سے امام مسجد محمد الیاس نیازی جاں بحق ہوگئے تھے۔