دھونی کا کردار نبھانے والے اداکار کی خودکشی پر کرکٹ برادری افسردہ

سوشانت کو شہرت بھی دھونی پر بننے والی فلم سے ہی ملی تھی ۔ فوٹو : فائل

---

دھونی کا کردار نبھانے والے اداکار سوشانت سنگھ کی خودکشی پر کرکٹ برادری بھی افسردہ ہے۔

'ایم ایس دھونی' میں بھارت کے سابق کپتان کا کردار ادا کرنے والے بالی ووڈ اداکار سوشانت سنگھ کی خودکشی پر کرکٹ برداری نے بھی افسوس کا اظہار کیا ہے، سوشانت کو شہرت بھی دھونی پر بننے والی فلم سے ہی ملی تھی۔

بھارت کے ساتھ پاکستان کے کرکٹرز نے بھی ان کی خود کشی پر افسوس کا اظہار کیا۔ شعیب ملک نے کہاکہ ''زندگی ایک خوبصورت لمبی اننگز اور 34 برس جانے کی عمر نہیں ہے''۔ کامران اکمل نے ٹویٹ کیا کہ ''سوشانت کا ایک پاکستانی مداح ہونے کے ناطے مجھے ان کی خودکشی پر کافی دھچکا پہنچا''۔ شان مسعود نے بھی ان کی موت پر افسوس کا اظہار کیا۔