سشانت سنگھ کی موت کے بعد عالیہ بھٹ اورکرن جوہرشدید تنقید کی زد میں

اداکارکچھ عرصے سے مالی پریشانی کا بھی شکارتھے، بھارتی میڈیا رپورٹس: فوٹو: فائل

---

سشانت سنگھ راجپوت کی خود کشی کے بعد پروڈیوسروہدایتکارکرن جوہراوراداکارہ عالیہ بھٹ کے زیر استعمال سوشل میڈیا پلیٹ فارمز پر مداحوں کی خاطر خواہ کمی دیکھی گئی ہے۔

اداکارسشانت سنگھ راجپوت کی موت کے بعد بالی ووڈ کے فنکارسمیت ان کے مداح اداکار کی موت کا یقین نہیں کر پارہے تھے کہ اداکار نے خودکشی جیسا اقدام آخرکیوں اٹھایا۔

تمام ہی فنکاروں کی جانب سے دکھ اور رنج کا اظہار کیا لیکن جیسے ہی پروڈیوسرو ہدایتکارکرن جوہر، اداکارہ عالیہ بھٹ سمیت سونم کپور کی جانب سے اداکارکی خود کشی پر دکھ کا اظہار کیا گیا تو مداحوں نے ان فنکاروں پرشدید تنقید شروع کرتے ہوئے ان پر اقرباپروری کا ایک بارپھرالزام لگایا۔

مداحوں کی جانب سے کہا گیا کہ ان ہی لوگوں کی وجہ سے اداکارسشانت سنگھ راجپوت جیسے فنکاراپنی زندگیوں کے چراغ خود ہی بجھا دیتے ہیں۔

بھارتی میڈیا رپورٹس کے مطابق اداکارکچھ عرصے سے مالی پریشانی کا بھی شکارتھے اورجب انہوں نے اپنے ملازمین رواں ماہ تنخواہ دی تو کہا تھا کہ وہ مستقبل کا کچھ کہہ نہیں سکتے ہیں۔ ان کی مالی پریشانی کی تصدیق ان کے مینیجر کی جانب سے بھی کی گئی تھی۔

میڈیا رپورٹس کے مطابق کرن جوہر، عالیہ بھٹ اورسونم کپور سمیت ان تمام فنکاروں کے زیر استعمال سوشل میڈیا پلیٹ فارمز پر مداحوں میں ایک دم خاطرخواہ کمی ریکارڈ بھی کی گئی۔

عالیہ بھٹ اورسونم کپور کوان کی 'کافی ود کرن' شو کے دوران وائرل ہونے والی ایک وڈیو پربھی شدید تنقید کا نشانہ بنایا جارہا ہے جس میں ان کا کہنا تھا کہ وہ نہیں جانتی کہ سشانت سنگھ راجپوت کون ہیں اوران کی کون سی فلمیں ہیں۔

#SonamKapoor is also responsible for Sushant Singh Rajput murder.
Kindly watch nepotism queen interview
She don't no @itsSSR @sonamakapoor Rohit vemula ko janti Sushant Singh Rajput ko nhi. pic.twitter.com/FgzltjA6Yl

— Prem Kumar (@prem_kr) June 16, 2020

Karan Johar : who would u kill marry or hookup with
Alia bhatt : marry Ranbir kill Sushant hookup Ranbir #SushantNoMore pic.twitter.com/nnb017YrZd

— Mohd Zaeem (@MohdZaeem8) June 15, 2020