اتوار کو پاکستان میں سورج گرہن ہوگا فواد چوہدری

سورج گرہن کا دورانیہ صبح 9 بج کر 20 سے 9 بج کر 50 منٹ تک رہے گا، وزیر سائنس اینڈ ٹیکنالوجی

ویب ڈیسک June 19, 2020

گرہن کی صورت میں براہ راست سورج کو دیکھنا آنکھوں کیلئے مضر ہو سکتا ہے، فواد چوہدری۔ فوٹو:فائل

وفاقی وزیر سائنس اینڈ ٹیکنالوجی فواد چوہدری کا کہنا ہے کہ پاکستان اسپیس ایجنسی اور ماہرین کے مطابق 21 جون اتوار کو پاکستان میں سورج گرہن ہوگا۔

سماجی رابطے کی ویب سائٹ ٹویٹر پر اپنی ٹویٹ میں فواد چوہدری کا کہنا تھا کہ پاکستان اسپیس ایجنسی اور ماہرین کے مطابق 21 جون کو پاکستان سورج گرہن ہوگا جس کا دورانیہ صبح 9 بج کر 20 منٹ سے 9 بج کر 50 منٹ تک ہوگا۔

پاکستان سپیس ایجنسی اور ماہرین کے مطابق اکیس جون کو پاکستان میں 920 منٹ سے 950 منٹ تک مختلف علاقوں میں سورج گرھن ہو گا، گرہن کی صورت میں براہ راست سورج کو دیکھنا آنکھوں کیلئے مضر ہو سکتا ہے اس لئے احتیاط ضروری ہے۔ pic.twitter.com/gyCeXYACOx
— Ch Fawad Hussain (@fawadchaudhry) June 19, 2020

وزیر سائنس اینڈ ٹیکنالوجی نے کہا ہے کہ گرہن کی صورت میں براہ راست سورج کو دیکھنا آنکھوں کے لیے مضر ہوسکتا ہے، سورج گرہن کے دوران احتیاط انتہائی ضروری ہے۔