ایکسپریس کے کالم نگار لیاقت علی راجپر انتقال کرگئے

ایکسپریس کے کالم نگار لیاقت علی راجپر انتقال کر گئے ۔ فوٹو : فائل

---

سینئر صحافی، روزنامہ ایکسپریس کے کالم نگار اورسابق ڈپٹی ڈائریکٹر محکمہ اطلاعات سندھ لیاقت علی راجپر 70 سال کی عمر میں انتقال کرگئے۔

لیاقت راجپر ایک ہفتہ قبل اپنے والد کے انتقال پر کراچی سے اپنے آبائی شہر لاڑکانہ پہنچے تھے جہاں پر ان کی اچانک طبیعت خراب ہوگئی، جس پر انھیں چانڈکا اسپتال لاڑکانہ میں انتہائی نگہداشت کے وارڈ میں وینٹی لیٹر پر رکھا گیا تھا۔ وہ جمعے کی شام زندگی کی جنگ ہارگئے۔

مرحوم کے بھائی اورسینئرصحافی ذوالفقار راجپر کے مطابق فالج کے حملے کے بعد مرحوم کے پھیپھڑے متاثر ہوئے، جس کے بعد وہ وینٹی لیٹرپرچلے گئے اورپھرہوش میں نہیں آئے۔ مرحوم کی نماز جنازہ ہفتے کو لاڑکانہ میں ادا کئی گئی۔ لیاقت راجپر اردو کے ساتھ انگریزی میں بھی مضامین لکھتے تھے۔ ان کے موضوعات سندھ کے مسائل، شخصیات، ثقافت اور تاریخ تھے۔