عالمی برادری انسانی حقوق کی خلاف ورزیوں پر بھارت کا محاسبہ کرے، وزیراعظم

 اسلام آباد: وزیراعظم عمران خان کا کہنا ہے کہ عالمی برادری انسانی حقوق کی خلاف ورزیوں پر بھارت کا محاسبہ کرے۔

سماجی رابطے کی سائٹ ٹوئٹر پر وزیراعظم عمران خان نے کہا کہ آج تشدد سے متاثرہ افراد سے یکجہتی کا عالمی دن ہے، میں دنیا کی توجہ مقبوضہ کشمیر میں انسانی حقوق کی خلاف ورزیوں کی طرف دلاتا ہوں، عالمی برادری انسانی حقوق کی خلاف ورزیوں پر بھارت کا محاسبہ کرے۔

Today on International Day in Support of Victims of Torture, I call on the international community to hold India accountable for its human rights abuses in IOJK where women, men & children have faced pellet guns, sexual assault, electrocution, & physical & mental torture.

— Imran Khan (@ImranKhanPTI) June 26, 2020

وزیراعظم عمران خان نے کہا کہ نہتے کشمیری پیلٹ گن، جنسی تشدد، بجلی کے جھٹکوں اور تشدد کا سامنا کررہے ہیں، بہیمانہ زیادتیوں پر مسلسل خاموشی انسانی حقوق اور قوانین کےخلاف ہیں۔

These atrocities by Indian Occupation forces on orders of the Hindutva Supremacist Occupation Modi govt are well documented by UN, HR orgs & intl media. A continuing silence in the face of such blatant abuse is against int human rights & humanitarian laws & must be unacceptable

— Imran Khan (@ImranKhanPTI) June 26, 2020

وزیراعظم نے کہا کہ ہندوتوا کی پیروکار قابض مودی سرکار کے حکم پرغاصب بھارتی افواج کے ہاتھوں رقم کی جانےوالی بربریت کی یہ داستانیں اقوام متحدہ، انسانی حقوق کی تنظیموں اورعالمی میڈیا نے مرتب کررکھی ہیں۔ اس سفاکیت پر روا رکھا جانے والا سکوت انسانی حقوق اورعالمی انسانی قوانین کے خلاف ہے جسے گوارا نہیں کیا جانا چاہیے۔

بعد ازاں مظفرآباد میں تقریب سے خطاب کرتے ہوئے وزیراعظم عمران خان نے کہا کہ مودی حکومت نے مقبوضہ کشمیر میں مظالم کی انتہا کردی ہے، مقبوضہ کشمیر میں ہرروز کوئی نہ کوئی نوجوان شہید کیاجاتا ہے، مودی مقبوضہ کشمیر میں سوچی سمجھی سازش کے تحت ظلم کررہا ہے، مودی نے گجرات میں آر ایس ایس کے غنڈوں کے ذریعے مسلمانوں کا قتل عام کیا، آرایس ایس والے خود کو ہٹلر کی نازی پارٹی کے جانشین سمجھتے ہیں۔

وزیراعظم نے کہا کہ میں نے دنیا کو مسئلہ کشمیر سمجھایا، بے بس لوگوں پر ظلم کرنے والا بزدل ہوتا ہے، مقبوضہ کشمیر میں کمسن بچوں کو بھی جیل میں قید کیا گیا، کشمیری عوام کا جذبہ کبھی کم نہیں ہوسکتا،  5اگست سے قبل دنیا بھر میں  تحریک چلائیں گے اور دنیا بھر کو بار بار مسئلہ کشمیر یاد دلائیں گے۔