پٹرول کی قیمت میں اضافہ فنکار وزیراعظم عمران خان پر برس پڑے

خان صاحب عوام پوچھ رہی ہے اب تھوڑا گھبرا لیں؟ وینا ملک

زنیرہ ضیاء June 28, 2020

مہربانی کرکے بتائیں کہ کیا میں نے آپ کو ووٹ دے کر صحیح فیصلہ کیا؟، فہد مصطفیٰ

SAN FRANCISCO/NEW YORK: پی ٹی آئی حکومت کی جانب سے پٹرولیم مصنوعات میں ایک دم 25 روپے فی لیٹر اضافے نے جہاں عوام کی چیخیں نکال دی ہیں وہیں فنکار برادری میں بھی بے حد غصہ پایا جاتا ہے۔

پی ٹی آئی حکومت کی جانب سے پٹرولیم مصنوعات میں 25 روپے فی لیٹر اضافے نے فنکار برادری کو بھی سوچنے پر مجبور کردیا ہے کہ انہوں نے عمران خان کو ووٹ دے کر صحیح فیصلہ کیا یا ان سے چوک ہوگئی۔

یہ بھی پڑھیں: پیٹرول کی فی لیٹر قیمت میں 25 روپے اضافہ

ملک میں کئی ماہ سے جاری لاک ڈاؤن کے باعث ملک میں بیروزگاری میں اضافہ ہوا ہے اس صورتحال میں حکومت کا پیٹرولیم مصنوعات میں اضافہ کرنا ایسا ہی ہے جیسے حکومت کو غریب عوام کا کوئی احساس ہی نہیں۔ جہاں عوام اس بے جا اضافے پرسوشل میڈیا پر شدید احتجاج کررہے ہیں وہیں فنکار برادری بھی حکومت کے اس اقدام کے خلاف اٹھ کھڑی ہوئی ہے اور اپنا احتجاج ریکارڈ کرارہی ہے۔

اداکارہ و میزبان وینا ملک کا شمار پاکستان تحریک انصاف کی سپورٹر میں ہوتا ہے اور وہ اکثر پی ٹی آئی حکومت کے حق میں ٹوئٹ کرتی نظر آتی ہیں لیکن حالیہ قیمتوں میں اضافے نے تو وینا ملک کو بھی غصہ دلادیا اور انہوں نے ٹوئٹ کرتے ہوئے کہا ''خان صاحب عوام پوچھ رہی ہے اب تھوڑا گھبرا لیں؟''

خان صاحب عوام پوچھ رہی ہے اب تھوڑا گھبرا لیں؟ 😂#PetrolPrice
— VEENA MALIK (@iVeenaKhan) June 26, 2020

اداکار فہد مصطفیٰ نے وزیراعظم عمران خان کو براہ راست مخاطب کرتے ہوئے کہا سر مجھے معلوم ہے ملک چلانا کوئی آسان کام نہیں لیکن جب آپ اپوزیشن میں تھے تو مسلسل کہا کرتے تھے کہ یہ کوئی راکٹ سائنس نہیں تو اب کیا ہوا؟ مہربانی کرکے بتائیں کہ کیا میں نے آپ کو ووٹ دے کر صحیح فیصلہ کیا؟

@ImranKhanPTI Sir i know running a country is not an easy Job but what happened to (Yeh Koi Rocket Science Nahi) you kept telling us that when you were in the opposition. Plz tell me if i made the right decision voting you ?
— Fahad Mustafa (@fahadmustafa26) June 26, 2020

ڈراما سیریل ''میرے پاس تم ہو'' سمیت متعدد ہٹ ڈراموں اور فلموں کے مصنف خلیل الرحمان قمر نے وزیراعظم عمران خان کو پٹرول کی قیمتوں میں ہوشربا اضافہ کرنے پر آڑے ہاتھوں لیتے ہوئے کئی ٹوئٹس کیں۔

انہوں نے کہا سیاستدانوں میں وہ مائی کا لال پیدا ہی نہیں ہوتا جو حکومت بچانے کی بجائے غریب کے ساتھ کھڑا ہوجائے۔ تم نے ثابت کیا ہے عمران خان تم ایک بزدل حکمران اور ہم ایک بدقسمت قوم ہیں۔

سیاستدانوں میں وہ مائی کا لال پیدا ہی نہیں ہوتا جو حکومت بچانے کی بجائے غریب کیساتھ کھڑا ہو جائے
تم نے ثابت کیا ہے عمران خان تم ایک بزدل حکمران اور ہم ایک بدقسمت قوم ہیں
— Khalil Ur Rehman Qamar (@KrqOfficial) June 26, 2020

خلیل الرحمان قمر نے ایک اور ٹوئٹ میں کہا پٹرول مہنگا کرکے آپ خود سستے ہوگئے عمران خان صاحب۔

پیٹرول مہنگا کر کے آپ خود سستے ہو گئے ہو عمران خان صاحب
— Khalil Ur Rehman Qamar (@KrqOfficial) June 27, 2020

اگلی ٹوئٹ میں خلیل الرحمان قمر نے اپنے الفاظوں کی سختی کی وضاحت کرتے ہوئے کہا کہ میری اپنے فینز سے درخواست ہے کہ کوئی ناسمجھ اگر مجھے برا بھلا بھی کہے تو ماں بہن کی گالیاں مت دیجئے۔ عمران خان میری بھی امید ہے ۔ میں ڈر رہاہوں کہ امید ٹوٹ رہی ہے۔

میری اپنے فینز سے درخواست ہے کہ کوئی ناسمجھ اگر مجھے برا بھلا بھی کہے تو ماں بہن کی گالی مت دیجیے
عمران خان میری بھی امید ہے
میں ڈر رہا ہوں کہ امید ٹوٹ رہی ہے
— Khalil Ur Rehman Qamar (@KrqOfficial) June 27, 2020

اداکار اعجاز اسلم نے ملک میں موجود مافیاز اور مسائل پر روشنی ڈالتے ہوئےکہا پٹرول مافیا، پانی مافیا، الیکٹرسٹی مافیا، بیروزگاری، کرنسی کی قدر میں کمی، کورونا وبا، شوگر مافیا، آٹا مافیااور بہت کچھ ۔ تباہ کن 2 سال آئیے دیکھتے ہیں مزید کیا آنے والا ہے۔

Petrol mafia . Water mafia . Electricity mafia .. unemployment.. currency devaluations..corona crisis ..sugar mafia ... atta mafia and much more ... devastating 2 years let’s see what more is coming ..
— aijaz aslam (@aijazz7) June 27, 2020