پاکستان دنیا کے ان چند ممالک میں شامل ہوگیا جو وینٹیلیٹرز تیار کرتے ہیں، فواد چوہدری

ویب ڈیسک  اتوار 28 جون 2020
آئندہ ہفتے 8 سے 10 وینٹیلیٹرز کا بیج این ڈی ایم اے کو دیں گے، فواد چوہدری۔ فوٹو : فائل

آئندہ ہفتے 8 سے 10 وینٹیلیٹرز کا بیج این ڈی ایم اے کو دیں گے، فواد چوہدری۔ فوٹو : فائل

 اسلام آباد: وزیر سائنس اینڈ ٹیکنالوجی فواد چوہدری کا کہنا ہے کہ پاکستان دنیا کے ان چند ممالک میں شامل ہوگیا جو وینٹیلیٹرز تیار کرتے ہیں۔

وزیر سائنس اینڈ ٹیکنالوجی فواد چوہدری بے ویڈیو پیغام میں کہا کہ پاکستان دنیا کے ان چند ممالک میں شامل ہوگیا جو وینٹیلیٹرز تیار کرتے ہیں، یہ پیچیدہ مشین ہے جو دنیا کا ہر ملک نہیں بنا سکتا، آئندہ ہفتے 8 سے 10 وینٹیلیٹرز کا بیج این ڈی ایم اے کو دیں گے۔

فواد چوہدری نے کہا کہ 3 مزید ڈیزائن تیاری کے آخری مراحل میں ہیں، اللہ کرے ہمیں وینٹیلیٹرز کی ضرورت ہی نہ پڑے، اپنی ضروریات پوری کرکے ہم وینٹیلیٹرز باہر ملکوں کو بھی دے سکتے ہیں، جب پاکستان میں کوویڈ 19 کا پہلا کیس آیا ہم کچھ بھی نہیں بنا رہے تھے تاہم چند ماہ میں ہم بہت کچھ بنانے کے قابل ہوئے ہیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔