بورے والا ایکسپریس آئی سی سی ہال آف فیم میں شامل

انٹرنیشنل کرکٹ کونسل نے پاکستان کے سابق فاسٹ بالر اور کوچ وقار یونس کو ہال آف فیم میں شامل کرلیا ہے۔

آئی سی سی کے مطابق وقار یونس کو بدھ کے روز متحدہ عرب امارات میں پاکستان اور سری لنکا کے درمیان کھیلے جانے والے ٹی20 میچ کے دوران اس اعزاز سے نوازا جائے گا۔ وقار یونس ہال آف فیم میں شامل ہونے والے پانچویں پاکستانی کرکٹر ہوں گے۔اس سے قبل عمران خان، جاوید میانداد، حنیف محمد اور وسیم اکرم کو بھی ہال آف فیم میں شامل کیا گیا ہے۔

بورے والا ایکسہریس کی عرفیت سے مشہور وقار یونس نے 87 ٹیسٹ میچوں میں 373 جبکہ 262 ون ڈے انٹر نیشنل میں 416 وکٹیں حاصل کررکھی ہیں۔