جنوبی وزیرستان میں زائرین کی گاڑی کو حادثہ 5 افراد جاں بحق

مچن بابا کی زیارت سے واپسی پر لدھا کے علاقے میں زائرین کی گاڑی کھائی میں جاگری

---

لدھا کے علاقے میں زائرین کی پک اپ کو حادثہ پیش آیا جس کے نتیجے میں 5 افراد جاں بحق ہوگئے۔

جنوبی وزیرستان میں مچن بابا کی زیارت سے واپسی پر لدھا کے علاقے میں زائرین کی گاڑی کھائی میں جاگری جس کے نتیجے میں اس میں سوار 20سے زائد افراد زخمی ہوگئے۔

زخمیوں کو اسپتال منتقل کرکے طبی امداد فراہم کی گئی جہاں 5 افراد زخموں کی تاب نہ لاتے ہوئے دم توڑ گئے۔ زائرین کا تعلق ممہ خیل سرائے نورنگ سے ہے جو مچن بابا کے مزار گئے تھے۔

جاں بحق افراد کی نمازجنازہ لکی مروت میں ان کے آبائی گاؤں ممہ خیل سرائے نورنگ میں ادا کی گئی۔