کراچی میں جاری آپریشن کا دائرہ کار بڑھانے کا فیصلہ

ڈی جی رینجرز رضوان اختر کی زیر صدارت ہونےوالے اجلاس میں کراچی آپریشن کی تفصیلی رپورٹ پیش کی گئی

Staff Reporter December 10, 2013

اجلاس میں آئی جی سندھ شاہد ندیم بلوچ، ایڈیشنل آئی جی سندھ ، زونل ڈی آئی جیز، رینجرز کے سیکٹرکمانڈر اور دیگر سینئر افسران نے شرکت کی، فوٹو: فائل

PESHAWAR: کراچی میں جاری آپریشن کے حوالے سے ڈائریکٹر جنرل رینجرز میجر جنرل رضوان اخترکی زیرصدارت اجلاس منعقد ہوا۔

جس میں آپریشن پر اطمینان کا اظہار کیا گیا جبکہ آپریشن کا دائرہ کار بڑھاتے ہوئے آپریشن کو مزید تیز کرنے کا بھی فیصلہ کیا گیا، اجلاس میں آئی جی سندھ اور ایڈیشنل آئی جی سندھ سمیت دیگر سینئر افسران شریک ہوئے۔ کراچی میں جرائم پیشہ افراد کے خلاف جاری کارروائیوں کے حوالے سے رینجرز کے ہیڈ کوارٹرز جناح کورٹس میں پیر کو ڈی جیرینجرز کی زیر صدارت اجلاس منعقد ہوا، اجلاس میں آئی جی سندھ شاہد ندیم بلوچ، ایڈیشنل آئی جی سندھ ، زونل ڈی آئی جیز، رینجرز کے سیکٹرکمانڈر اور دیگر سینئر افسران نے شرکت کی، اجلاس میں کراچی آپریشن کے حوالے سے تفصیلی رپورٹ پیش کی گئی جس کا بغور جائزہ لیا گیا ۔