آئی ایم ایف شرائط گیس کی قیمتوںمیں اضافے پرغورشروع

اسڑکچرل بینچ مارک کے تحت پی آئی اے کی نجکاری سمیت حکومت کوکئی اقدام کرناہوں گے

این این آئی December 10, 2013

ٹیرف ریشنلائزیشن کے تحت گیس کی قیمتوں سے جی ڈی پی کے 0.4فیصد کے برابراضافی ریونیوحاصل کرنا ہوگا ۔ فوٹو: فائل

لاہور: حکومت پاکستان نے آئی ایم ایف کی شرط پرگیس کی قیمتوںمیں اضافے کی تجویزپر غورشروع کردیا ۔

جبکہ دسمبر2014 تک پی آئی اے کی نجکاری بھی کرناہو گی۔ نجی ٹی وی کے مطابق بین الاقوامی مالیاتی فنڈ(آئی ایم ایف) نے گذشتہ ماہ پاکستان کی اقتصادی کارکردگی کے پہلے جائزے میں پاکستان کے ساتھ طے پانے والے اسٹرکچرل بینچ مارک کی تفصیلات جاری کردی ہیں۔

جس کے تحت پاکستان کورواں ماہ کے آخرتک گیس کی قیمتوںمیں اضافہ کرناہو گااور ٹیرف ریشنلائزیشن کے تحت گیس کی قیمتوں سے جی ڈی پی کے 0.4فیصد کے برابراضافی ریونیوحاصل کرنا ہوگا،رپورٹ میں بتایا گیاکہ پاکستان کو جون2014 تک پی آئی اے کے 26فیصد حصص کی نجکاری کرناہوگی علاوہ ازیں پینل کوڈ 1860اور کوڈآف کریمنل پروسیجرز1898 میں بھی ترامیم متعارف کرانا ہوں گی۔