علمِ نجوم کی روشنی میں آپ کا یہ ہفتہ

 اتوار 12 جولائی 2020
آپ کا یہ ہفتہ کیسا ہوسکتا ہے؟

آپ کا یہ ہفتہ کیسا ہوسکتا ہے؟

13جولائی تا 19 جولائی 2020

برج حمل
سیارہ مریخ،21 مارچ تا20اپریل
آپ کا کیریر بدل رہا ہے، پیر ایک اہم دن ہوگا، کچھ قریبی لوگوں سے اختلافِ رائے ہوسکتا ہے۔ کافی امور طے پاجائیں گے لیکن کافی رہ جائیں گے۔
منگل، بدھ مالی فائدہ اور جمعہ ہفتہ سفر برائے فنانس ہوسکتا ہے۔

برج ثور
سیارہ زہرہ،21اپریل تا 20 مئی
محتاط رہیں، مالی نقصان ہوسکتا ہے، دھوکادہی کا اندیشہ ہے۔
اپنی صحت کا خیال رکھیں، دل اور سانس کی نالیوں میں کچھ خرابی نظر آرہی ہے۔ صدقہ دیں اور احتیاطی تدابیر اپنائیں۔

برج جوزا
سیارہ عطارد،21مئی تا 21 جون
یہ ہفتہ پہلے دن سے ہی دوستوں سے فائدے دلائے گا۔
پرانے دوست بڑے بہن بھائی اور آپ کی پرانی امیدیں بر آتی نظر آتی ہیں۔ خصوصاً اس ہفتے کے آخری تین دن مالی حوالے سے کافی شان دار نظر آرہے ہیں۔

برج سرطان
سیارہ قمر،22جون تا 23 جولائی
آپ کے کیریر کے لیے یہ ہفتہ خاصا جان دار نظر آرہا ہے۔
آپ کے تعلقات آپ کے بزنس میں اہم کردار ادا کریں گے، آپ کا کام بیرون ملک سے بھی منسلک ہوسکتا ہے۔ اس ہفتے کے آخری دنوں کوئی اہم معاہدہ اور سفر کا امکان ہے۔

برج اسد
سیارہ شمس،24جولائی تا 23 اگست
اس ہفتے کے آخر تک آپ کا مایوسی والی کیفیت سے نکل جائیں گے لیکن آکری دن اہم ہوں گے، کچھ مخالفتوں کا سامنا ہوسکتا ہے، محتاط رہیں، باس اور بزرگوں کا تعاون حاصل رہے گا۔ جمعہ اور ہفتہ اچھے دن ہیں۔

برج سنبلہ
سیارہ عطارد،24 اگست تا 23 ستمبر
19 تاریخ اتوار اپنی نفسانی خواہشات کو قابو میں رکھیں، جذباتی ہونے سے بچیں۔ آپ کا ستارہ دو نحوستوں کے درمیان چل رہا ہے، جمعے اور ہفتے کو مالی فائدہ ہوسکتا ہے۔ پراپرٹی کا اور غیرمتوقع فائدہ ہوسکتا ہے۔

برج میزان
سیارہ زہرہ،24 ستمبر تا 23اکتوبر
گذشتہ دو دن سے آپ جس خواب کو تعبیر دینے کے لیے کوشاں ہیں، ہوسکتا ہے وہ حسبِ منشا نہ ہو، آپ کے کیریر کے لیے اہم دن ہفتہ ہے۔ کچھ لوگ بڑی پلاننگ سے آپ کو ناکام کرنے کے درپے ہیں، محتاط رہیں۔

برج عقرب
سیارہ پلوٹو،24 اکتوبر تا 22 نومبر
آپ کا سیارہ بزنس اور جاب میں فائدہ دے رہا ہے، کچھ تبدیلیاں تیزی سے واقع ہوسکتی ہیں، بزنس میں کچھ اپ ڈاؤن ہوسکتے ہیں، تعلقات کا کا سیارہ کم زور چل ہا ہے۔ ہفتہ کو کوئی خوش خبری مل سکتی ہے۔

برج قوس
سیارہ مشتری،23 نومبرتا 22 دسمبر
منگل کو صحت کا خیال رکھیں، اسی دن آمدن میں بہتری کا امکان ہے۔ جمعہ اور ہفتہ اس بات کے کافی امکان ہیں کہ بنا محنت کے کچھ رقم ہاتھ آجائے۔ ایک بہتر ہفتہ!

برج جدی
سیارہ زحل،23 دسمبر تا 20 جنوری
ہفتے کے آخر میں ازدواجی تعلقات اچانک بگڑ سکتے ہیں۔ اعتماد کو برقرار رکھیں، شریکِ حیات یا بزنس پارٹنر کسی بات پر خاصا جذباتی اور تندوتیز لہجہ اختیار کرسکتا ہے، والدہ کی صحت کا خیال رکھیں۔

برج دلو
سیارہ یورنیس،21 جنوری تا 19 فروری
کوئی مورثی مرض سر اٹھا سکتا ہے، کوئی دبا ہوا کیس پھر گلے پڑ سکتا ہے۔ اس ہفتے کسی سے معاہدہ، وعدہ کرتے یا چیک دیتے وقت پھر سوچ لیں۔ الرجی ہوسکتی ہے

برج حوت
سیارہ نیپچون،20 فروری تا 20 مارچ
گذشتہ دنوں سے آپ کے مالی خانے میں سیاروں کی سعد روشنی پڑ رہی ہے۔ مالی آمدن بہتر ہوگی، جمعہ اور ہفتہ کسی سے ملاقات یا رابطہ ہوسکتا ہے اور عہد وپیمان کا سلسلہ قائم ہوسکتا ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔