وفاقی وزیر برائے ہاؤسنگ اور مسلم لیگ ق کے مرکزی رہنما طارق بشیر چیمہ بھی کورونا وائرس کا شکار ہوگئے ہیں۔

ترجمان پمزاسپتال کے مطابق طارق بشیر چیمہ کا کورونا ٹیسٹ مثبت آگیا ہے۔ وائرس میں مبتلا ہونے کے بعد ان کی طبیعت خراب ہونے پر انھیں پمز ہسپتال منتقل کردیا گیا ہے۔ ان کے مختلف ٹیسٹ کیے جارہے ہیں اور علاج معالجہ جاری ہے۔

اس سے قبل وفاقی کابینہ میں وزیر ریلوے شیخ رشید احمد اور وزیر خارجہ شاہ محمود قریشی بھی کورونا وبا کی لپیٹ میں آچکے ہیں جب کہ پاکستان کی قومی و صوبائی اسمبلیوں کے متعدد اراکاین میں بھی وائرس کی تصدیق ہوچکی ہے۔