بھارت کی لائن آف کنٹرول پر بلا اشتعال فائرنگ کے واقعات میں 6 شہری زخمی

بھارت کی جانب سے جاری اشتعال انگیزیوں سے زخمی ہونے والوں میں خواتین اور بچی بھی شامل ہیں، آئی ایس پی آر

ویب ڈیسک July 12, 2020

رواں سال کے دوران اب تک بھارتی فوج 1623 مرتبہ ایل او سی کی خلاف ورزیاں کرچکی ہے,آئی ایس پی آر۔ فوٹو، فائل

QUETTA: بھارتی فوج کی جانب سے لائن آف کنٹرول پر جنگ بندی کی خلاف ورزی کرتے ہوئے بلااشتعال فائرنگ کے واقعات میں بچی اور دوخواتین سمیت 6 افراد زخمی ہوگئے۔

پاک فوج کے شعبۂ تعلقات عامہ (آئی ایس پی آر) کے مطابق کھوئی رٹا سیکٹر میں بھارتی فوج کی اشتعال انگیزی سے 11 سالہ بچی اور خاتون سمیت 5 شہری زخمی ہوئے۔ آئی ایس پی آر کے مطابق پاک فوج نے بھرپور جواب دیتے ہوئے شہری علاقوں کو نشانہ بنانے والی بھارتی چوکیوں کو ہدف بنایا۔

5 innocent civilians including an 11 years old girl & a woman got injured due to Indian unprovoked ceasefire violation ( CFV) in Khuiratta Sector along #LOC. #PakistanArmy troops responded effectively and targeted those Indian posts which initiated fire.
— DG ISPR (@OfficialDGISPR) July 12, 2020

اس سے قبل بھارتی فوج نے ایل اوسی کےرکھ چکری سیکٹرپربلااشتعال فائرنگ کی جس کے نتیجے میں کرنی گاؤں کی رہنے والی خاتون شہری زخمی ہوگئی۔آئی ایس پی آر کے مطابق بھارتی فوج نے شہری آبادی کو نشانہ بنایا تاہم پاک فوج نے بھارتی اشتعال انگیزی کو منہ توڑ جواب دیا۔

#IndianArmy troops initiated unprovoked ceasefire violation(CFV) in Rakhchikri Sector along #LOC targeting civil population. An elderly woman, resident of Kirni village got injured. Pakistan Army responded effectively to Indian firing.1643 CFVs committed by India in 2020 so far.
— DG ISPR (@OfficialDGISPR) July 12, 2020