پاکستان کی خواتین ٹیم پہلی بار کبڈی ورلڈ کپ کے سیمی فائنل میں پہنچ گئی

پاکستان نے پہلی بار ویمن کبڈی ورلڈ کے سیمی فائنل کے لئے کوالیفائی کیا ہے۔ فوٹو: فائل

---

بھارت میں جاری خواتین کے عالمی کپ میں پاکستان نے میکسیکو کو ہرا کر پہلی بار ایونٹ کے سیمی فائنل کے لئے کوالیفائی کرلیا۔

ایکسپریس نیوز کے مطابق ویمن کبڈی ورلڈ کپ کے لیگ میچ میں پاکستان اور میکسیکو کی کھلاڑی میدان میں اتریں اور دونوں جانب سے بھرپور کھیل کا مظاہرہ کیا گیا تاہم قومی کھلاڑیوں نے بھر پور کارکردگی کا مظاہرہ کرتے ہوئے حریف کو 24 کے مقابلے میں 49 پوائنٹس سے شکست دے کر مقابلہ اپنے نام کرلیا۔ایونٹ کا سیمی فائنل کل کھیلا جائے گا جس میں قومی ٹیم کا جوڑ روایتی حریف بھارت سے پڑے گا۔

واضح رہے کہ بھارتی ٹیم کبڈی ورلڈ کپ کی چیمپئین ہے جبکہ پاکستان پہلی بار ایونٹ کے سیمی فائنل میں پہنچا ہے۔