لاہور ہائیکورٹ نے شہباز شریف کی عبوری ضمانت میں 23 جولائی تک توسیع کردی

شہباز شریف کی پیشی پر لیگی کارکنوں کی حکومت کے خلاف نعرے بازی، پولیس کے ساتھ دھکم پیل

---

لاہور ہائیکورٹ نے مسلم لیگ (ن) کے صدر اور قومی اسمبلی میں قائد حزب اختلاف شہباز شریف کی عبوری ضمانت میں 23 جولائی تک توسیع کردی۔

ہائیکورٹ میں نیب انکوائری میں شہباز شریف کی عبوری ضمانت میں توسیع کی درخواست پر سماعت ہوئی۔ شہباز شریف آمدن سے زائد اثاثے اور منی لانڈرنگ سے متعلق نیب انکوائریز میں ضمانت کے لیے پیش ہوئے۔

شہباز شریف نے عدالت سے استدعا کی کہ نیب کے پاس زیر التواء انکوائری میں گرفتار کئے جانے کا خدشہ ہے، عبوری ضمانت منظور کی جائے۔

بریکنگ نیوز
قائد حزب اختلاف و صدر مسلم لیگ نون میاں شہباز شریف لاہور ہائیکورٹ پہنچ گئے pic.twitter.com/e7yAgQt7Jr

— Tahir Mughal Pmln (@TahirMughalPml1) July 16, 2020

لاہور ہائیکورٹ نے شہباز شریف کی عبوری ضمانت میں 23 جولائی تک توسیع کردی۔

شہباز شریف کی پیشی کے موقع پر لیگی کارکن ہائیکورٹ کے باہر جمع ہوئے۔ انہوں نے حکومت کے خلاف اور اپنے قائدین کے حق میں خوب نعرے بازی کی۔ لیگی کارکنوں کی پولیس کے ساتھ دھکم پیل بھی ہوئی۔

صدر پاکستان مسلم لیگ ن محمد شہباز شریف لاہور ہائیکورٹ پہنچ گئے pic.twitter.com/iDynsQ0dIk

— PMLN (@pmln_org) July 16, 2020