عامر لیاقت حسین نے استعفی دینے کے لیے وزیر اعظم سے وقت مانگ لیا

عامر لیاقت حسین نے تحریک انصاف سے راستے الگ کرنے کا عندیہ دے دیا۔ فوٹو، فائل

---

پاکستان تحریک انصاف کے رہنما اور رکن قومی اسمبلی عامر لیاقت حسین نے مستعفی ہونے کا فیصلہ کرلیا۔

اپنے ایک ٹوئیٹر پیغام میں کراچی میں جاری لوڈ شیڈنگ سے متعلق اپنی بے بسی کا اظہار کرتے ہوئے ڈاکٹر عامر لیاقت حسین نے کہا کہ انہوں نے وزیر اعظم عمران خان سے اپنا استعفی پیش کرنے کے لئے وقت مانگ لیا۔

میں اعتراف کرتا ہوں میں کراچی کا ایک بے بس ایم این اے ہوں… اپنے شہر کے لوگوں کو بجلی فراہم کروانے سے قاصر ہوں… مجھ سے کراچی اور بالخصوص اپنے حلقے کے لوگوں کا تڑپنا سسکنا اور مونس علوعی کے جھوٹ سہنا نہیں دیکھا جاتا وَیراعظم سے وقت مانگا ہے مل کر انہیں استعفی پیش کردوں گا

— Aamir Liaquat Husain (@AamirLiaquat) July 16, 2020

انہوں نے اپنے ٹوئٹر پیغام میں اعتراف کیا ہے کہ میں کراچی کا ایک بے بس ایم این اے ہوں، اپنے شہر کے لوگوں کو بجلی فراہم کروانے سے قاصر ہوں، مجھ سے لوگوں کا تڑپنا، سسکنا اور مونس علوی کا جھوٹ سہنا نہیں دیکھا جاتا۔ وزیر اعظم سے وقت مانگا ہے مل کر انہیں اپنا استعفیٰ پیش کردوں گا۔