فیروزآباد پولیس نے مغوی تاجر بازیاب کرالیا ملزمان فرار

ملزمان فرار ہیں لیکن ان کی تلاش میں چھاپے مارے جارہے ہیں۔ فوٹو؛فایل

---

فیروزآباد پولیس نے طارق روڈ پر کارروائی کرتے ہوئے ایک بند دکان سے مغوی تاجروقار کو بازیاب کرالیا جبکہ ملزمان فرار ہوگئے۔

اے ایس پی فیروزآباد اختر فاروق نے بتایا ہے کہ وقار گارمنٹس کے کاروبار سے منسلک ہے اور اس کا آبائی تعلق ٹنڈو آدم سے ہے،پیرکو وہ کراچی کپڑا خریدنے کیلیے آیا تھا کہ اس کے کاروباری شراکت دار علی اور ارشد نے اسے کاروباری رقابت کے نتیجے میں طارق روڈ پر واقع شہنشاہ آرکیڈ میں دکان میں بندکرکے اہل خانہ سے لاکھوں روپے تاوان طلب کیا جس پر پولیس نے کارروائی کرتے ہوئے منگل کو مغوی کو بازیاب کرالیا ،ایس ایچ او فیروز آباد نے بتایا کہ ملزمان فرار ہیں لیکن ان کی تلاش میں چھاپے مارے جارہے ہیں،جلد ہی ملزمان قانون کے کٹہرے میں ہوں گے۔